Davao City – Padayon gihapong mudawat ang syudad sa Davao og mga locally-stranded individuals (LSIs) ug mga Overseas Filipino Workers (OFWs).
Matud ni Davao City Mayor Sara Duterte-Carpio, dili i-hold sa dakbayan ang pagdawat sa nahisgutan diin kinahanglan lamang sila nga ipailawom sa health screening batok Coronavirus Disease 2019 (COVID-19).
“Ang ubang mga LGUs nag request sila na i-hold but sa atoa wala tay ingon ana na mga request because kung LSI ka karon, LSI gihapon ka ugma. Ang atong ginabuhat, gipadayon lang nato og dawat ang ginapadala sa atoa na mga OFWs and LSI and we health screen them,” tataw sa alkalde.
Gikumpirma usab sa alkalde nga aprubado na sa Civil Aviation Authority of the Philippines (CAAP) ang mga ‘proposed flights’ sa syudad nga magsugod sunod semana gawas lang sa Davao-Iloilo flights.
Nasayran nga adunay mga local government units (LGUs) nga nag suspende una sa pagdawat sa ilang ‘returning residents’ tungod sa pagtaas sa ilang COVID-19 cases ug pagka-puno sa ilang mga quarantine facilities.
RadyoMaN Kirby Manzon
