Davao City – Dili interesado ang pamilya ni Davao City Mayor Inday Sara Duterte-Carpio nga mopasaka ug asunto kontra kang Sen. Antonio Trillanes sa alegasyong korapsyon sa Bureau of Customs.
Sa media interview, gisugilon sa alkalde nga kumbinsido kini nga kabahin lamang sa pamulitika kining mga akusasyong giluwatan ni Trillanes kontra sa iyang bana, Atty. Manases ‘Mans’ Carpio.
Una niini, gi-akusahan sa senador ang presidential son-in-law nga nakit-an kini didto sa buro sa adwana apan segun sa mayora, iyang gisuta kini sa iyang bana.
Matud ni Sara, tipik sa pagka-abogado sa iyang bana ang pagduaw sa mga buhatan sama sa customs alang sa mga lehitimong transaction sa ngalan sa iyang mga kliyente.
Ugma gilauman nga motambong si Davao City Councilor Nilo ‘Small’ Abellera sa Senate Blue Ribbon Committee hearing sa isyung P6.4B shabu shipment gikan sa China nga malampusong nasakmit sa adwana.
Usa si Abellera ug Vice-Mayor Paolo Duterte nga gi-akusahan ni Trillanes nga involved sa customs corruption issues pinaagi sa gitawag nga ‘Davao Group.’
Kagahapon, inisyal gipanghimakak ni Abellera pinaagi sa iyang gipadangat nga affidavit sa Senado nga wala siyay kalambigitan sa alleged ‘tara’ system ug ‘enrolment fee’ sa Customs Bureau.
Kasamang June Duterte
