Davao City – Dili na bag-o ang isyu nga gipagawas karon nga istoya sa Vera Files diin giakusahan ni Senator Antonio Trillanes si Davao City Mayor Inday Sara Duterte ug iyang amahan nga si Presidente Rodrigo Duterte nga adunay gitagoan nga 100 million pesos nga wala mi reflect sa ilang statements of assests, liabilities and net worth kon SALNs.
Giingon ni Mayor Sara nga ang maong statement ni Trillanes iya pang gimugna atol sa 2016 presidential campaign.
Dugang sa mayora nasayod siya sa istorya nga anaa sa Vera Files gani mitubag kini sa maong isyu.
“I replied and gave my comment and I told them that we continue to question the claims made by Trillanes and the truthfulness in the data he presented,” segun sa mayor.
Subay niini giawhag ni Mayor Sara si Trillanes nga ipakita ang source sa inpormasyon nga anaa kaniya aron mavalidate kung tinuod kini.
“If he will not reveal his source it will just be all in the basis of claims, it’s just rumor mongering, and he is just hiding in his parliamentary inquiry so that we cannot go against him,” matod sa mayor.
Gikanayon sa mayor nga reviewhon pag usab sa iyang abogado ang mga aksusasyon batok sa ilang pamilya apan kung siya ang pasultihon balik-balik na kini nga isyu batok kaniya ug sa iyang amahan.
RadyoMaN Abi Bibera
