Davao City – Happy ug satisfied, kana maoy pipila sa mga giluwatang pulong ni Davao City Mayor Inday Sara Duterte-Carpio sa trabaho ni Police Sr. Supt Alexander Tagum, Davao City Police Office kun DCPO director sulod sa usa ka tuig.
Sa ambush interview sa media kang Mayor Inday kagahapong adlawa, Abril 6, sigun niini nga nakita niya ang gisaad ni Tagum kaniadto nga kinahanglan buhaton ug nakita usab sa alkalde nga mikunhod ang crime incidents ug crime rate sa syudad ilawum sa pagdumala ni Tagum sa DCPO.
“Of course yes, we are happy and satisfied, he delivered what he promised to deliver, so hopefully he will continue on as city director here in Davao City,” sigun sa alkalde.
Dugang sa mayor nakita niya ang pagpaningkamot sa kapulisan sa pagbantay sa seguridad sa dakbayan.
“Dili perfect ang kapulisan ug auxiliaries sa DCPO but I see that they are working hard in doing their job,” dugang ni Mayor Inday.
Si Tagum maoy mipuli kang Senior Supt. Michael John Dubria isip DCPO director sugod niadtong miaging tuig, tuig 2017.
RadyoMaN Renz Barbarona
