Davao City – Suportado sa City Government of Davao ang kampanya sa Department of Health (DOH) sa pagdili sa paggamit og totorot karong holiday season, Pasko ug Bag-ong Tuig sa paglikay sa coronavirus disease 2019 (COVID-19) transmission.
Matud ni Davao City Mayor Sara Duterte-Carpio, angay sundon sa publiko ang maong direktiba gikan sa DOH sa pagdili sa torotot, pito ug uban pang gamit nga posible’ng rason sa pagtakod sa COVID-19.
“If there is already an announcement or a declaration from DOH (sa pagdili sa torotot), then kita dapat musunod,” matud sa Mayor.
Segun sa alkalde nga dili na kinahanglan nga magpagawas pa og palisiya labot niini ang City Government of Davao diin sukad pa niadtong Marso, ginasunod na sa lokal nga gobyerno ang ginapagawas sa omnibus guidelines sa Inter-Agency Task Force (IATF) ug tanang kamanduan gikan sa national government kalabutan sa COVID-19 regulations.
Samtang, gi-discourage usab sa opisyal ang parties sa Yuletide season aron kalikayan ang mass gatherings partikular na diha sa mga pampubliko’ng lugar.
RadyoMaN Kirby Manzon
