Davao City – Nagpabiling rekisitos gihapon sa City Government of Davao ang negatibong resulta sa RT-PCR (reverse transcription polymerase chain reaction) test alang sa mga traveler nga muabot partikular na sa Davao International Airport (DIA).
Kini human gipahayag sa Inter-Agency Task Force (IATF) nga mamahimo nang gamiton sa usa ka biyahero nga fully vaccinated batok Coronavirus Disease 2019 (COVID-19) ang iyang vaccine card, inay nga magpakita og negative swab test result.
Matud ni Mayor Sara (sa intebyu sa city-owned radio) nga ang maong mando mag-agad gihapon sa Local Government Unit (LGU) kung kini ipatuman diin dinhi sa Davao City, magpabiling obligado nga magpresenta og negative RT-PCR result ang biyahero sa rason nga posible gihapong matakdan sa COVID-19 ang bakunadong tawo ug posible gihapon kining magdala o carrier sa virus ug makatakod sa uban.
“Initially, nagsulti ang IATF nga vaccine cards na ang gamiton (sa fully vaccinated individuals) and nagsulti sila na they will leave it up to the LGUs. Ang atoa (sa Davao City) is RT-PCR testing gihapon because bisan pa man og na-vaccinate na ang tawo, pwede gihapon siyang matakdan og COVID-19 ug posible gihapon siya nga carrier sa virus,” saysay sa alkalde.
RadyoMaN Kirby Manzon
