Davao City – Gi-awhag ni Davao City Mayor Sara Duterte-Carpio, ang publiko nga mobisita na karon pa lang daan sa mga sementeryo ug dili na hulaton ang panahon sa Kalag-kalag (All Souls’ Day).
Sugyot sa Alkalde nga dili na hulaton ang Nobyembre 1 ug 2 sa pagbisita sa ilang mga mahal sa kinabuhi nga nipanaw.
“Kinahanglan gyud nga karon pa lang magplano na ta sa atong schedule sa pagbisita (sa menteryo) nga dili November 1 and 2 because dili ta gusto muadto sa lugar nga daghang tawo,” esplikar sa alkalde.
Gipasabot sa Mayor, ang dagsa sa mga tao o mass gathering delikado labi na ning panahon sa Coronavirus Disease 2019 (COVID-19) pandemic.
Nasayran adunay gisugyot nga sirad-an ang mga sementeryo panahon sa Todos Los Santos aron kalikayan ang pagpunsisok sa katawhan ug kalikayan ang COVID-19.
RadyoMaN Kirby Manzon
