Davao City – Gipaniguro ni Davao City Mayor Sara Duterte-Carpio nga unahon ang mga mas nagkinahanglan sa bakuna sa Coronavirus Disease 2019 (COVID-19) ugaling ‘available’ na kini ug magbaton og libreng vaccine ang City Government of Davao.
Gibutyag sa Mayor, unahon sa paghatag sa libreng bakuna ang mga nagtrabaho sa mga hospital o mga health workers, mga komunidad nga dikit-dikit ang mga balay diin lisod mapatuman ang social distancing ug mga 60 anyos pataas nga mamahimong bakunahan.
“Naa tay buhaton na categorization sa mga maka-access og libreng bakuna and for all the rest nga dili sila masulod didto and then dili gusto sila magpa bakuna that is the time nga sila ang mubayad para sa ilahang bakuna,” saysay sa alkalde.
Gipasabot sa alkalde, dili posibleng mahatagan sa libreng bakuna ang anaa sa 1.6 million nga residente sa dakbayan rason nga unahon ang mga bulnerableng sektor sa komunidad.
RadyoMaN Kirby Manzon
