Davao City — Gihatagan og dakong pagtagad ni Davao City Mayor Sara Duterte-Carpio ang nahimo ug himuon pa nga lakang batok sa Coronavirus Disease 2019 (COVID-19) response sa City Government of Davao atol sa State of the City Address (SOCA) niini kagahapong adlawa (Nobyembre 16, 2020).
Matud sa Alkalde nga samtang wala pay bakuna sa COVID-19, gipakusgan pa sa lokal nga gobyerno ang mga stratehiya aron ma-kontrol ang sitwasyon hatud sa pandemic pinaagi sa pagbaton og taas nga testing capacity diin anaa na sa 1,200 tests per day ang syudad pinaagi sa pagsuporta sa mga pribadong laboratory samtang ginahuman pa ang Los Amigos Davao Laboratory.
“As we wait for a (COVID-19) vaccine to control the spread, we need to be rethinking about ways to reduce risk of transmission. This is not only a public health emergency but also an economic and social crisis, and we are endlessly trying the best strategic seamless connection between the stages under our plan of action against COVID-19,” pamahayag sa Alkalde.
Matud sa Mayor nga tungod sa COVID-19 cases surge, gawas sa Southern Philippines Medical Center (SPMC), nag-abri na usab ang tulo ka mga private hospitals og COVID-19 wards.
Gipalapdan usab ang contact tracing pinaagi sa Safe Davao QR (DQR), Public Cemetery Crematorium alang sa COVID-19 deaths, Social Welfare Programs, ug nagpadayong Food Relief Response.
Nagbaton usab og programa nga Work for Davao, Cash for Work Initiatives, TUPAD (Tulong Panghanapbuhay sa Ating Disadvantaged/Displaced Workers) sa Department of Labor and Employment (DILG), Eskwela Davao, Students Subling Laptop ug Tablet Sharing Project.
Gawas niini, matud sa Mayor nga siguraduhon niining mahuman ang mga nakalinyada’ng programa ug proyekto ilawom sa Byaheng DO30 ayha pa man mahuman ang termino niini isip Mayor sa Hunyo 2022.
RadyoMaN Kirby Manzon
