SARAY BARANGAY KAPITAN ALBURO NAGPOSITIBO SA COVID 19

(screenshot from Kapitan Alburo FB post)

Gikunpirma ni Saray Barangay Kapitan James Alburo nga nagpositibo siya sa Covid 19.  

Niadtung adlaw’ng biyernes mipailalom sa RT-PCR Test si Alburo ug kagahapon sa  buntag migawas ang iyang resulta nga nag-positibo siya sa maong virus.  


Matud ni Alburo, daan na siyang nagduda nga posibleng aduna na siya’y covid tungod sa iyang mga gibating simtomas.

  Adunay simtomas si kapitan Alburo sama sa pag-ubo, sakit sa kalawasan ug walay gana nga mokaon.  

Nanawagan kini siya karon nga mahilakip sa atung mga pag-ampo nga maka-recover kini siya sa maong balati-an.  

Kasamtangan kini siyang anaa karon sa usa sa mga tambalanan dinhi sa dakbayan sa Iligan.

Facebook Comments