Davao City – Laing sunod-sunod nga sunog ang mi-ulbo sa area sa Sasa ning siyudad kagahapong adlawa.
Natigayon ang unang insidente alas 3:00 sa hapon human kalit misilaob ang kalayo sa balay ni Felomina Malones, 59 anyos, residente sa Purok 7, Doña Salud ug midamyos og 5,000 pesos.
Milabay ang 20 minutos laing sunog usab ang nahitabo sa Phase 7, Doña Pilar Sasa ning syudad.
Daling miresponde ang Lanang Fire Station sa lugar ug daling napalong ang pagsilaob sa kalayo sa balay ni William Baranggan, 67 anyos, retiradong empleyado sa gobyerno.
Nasayran nga moabot sa 20-mil ka pesos ang nahimong damyos sa balay ni Baranggan.
Sumala ni Senior Fire Officer 1 Ronilo Credu nga electrical short circuit ang rason sa pagkasunog sa duha ka balay.
RadyoMaN Joel Viray
