Davao City – Nagpahimangno karon ang Presinto 4 sa tanang mga establisimiento batok sa peke nga one thousand pesos bill nga mi-katag sa merkado publiko sa Panacan.
Nag-ugat ang tambag sa kapulisan sa Sasa ngadto sa mga establisimiento human usa ka salesman sa delivery van sa hotdog ang nabayran og peke nga one thousand usa sa ilang mga customers sa Panacan Public Market.
Apan naglisod na og tumbok ang biktima nga si Jimmy Bastasa, 40 anyos ug nag-puyo sa Indangan Buhangin kung kinsa sa iyang mga customers ang nagbayad sa peke nga kwarta tungod daghan sila nahatdan 7:30 sa buntag.
Hangtud karon, blangko pa ang mga otoridad sa grupo o sa tawo nga posibleng responsabli sa pagpakatag og peke nga sapi sa AOR sa Presinto 4.
Kahinumduman, duha ka taxi driver ang nagpatala usab sa Sasa Pnp human gibayaran og peke nga one thousand peso bill sa ilang mga pasahero.
RadyoMaN Joel Viray
