Sa interview sa DXDC RMN Davao sa Sasa Police Station, padayon gihapon ang imbestigasyon sa paglabay sa maong fetus nga nakit-an alas 5:30 sa buntag, June 25, 2024.
Sa report sa DCPO, samtang anaa sulod sa balay ang usa ka Jocelyn Kintano, nakadungog nalang kini og kanaas duol sa ilang balay ug sa iyahang pag-check duol sa kanal, didto niya nakita ang usa ka fetus nga anaa sa 7-8 months old nga nasayrang usa ka lalaki.
Sa pagresponde sa Barangay Disaster Risk Reduction and Management Office (BDRRMO), nasuta nga wala nay kinabuhi ang maong fetus.
Gikasuko usab sa netizens ang panghitabo diin kumento ni Mhars Grealynne Morales-Mamac Nacario nga daghan ang nangandoy nga magka-anak apan wala gihatag kanila, apan dunay makahimo og labay sa ilahang anak.
“Hoy kung di gusto manganak panagang oy kalooy sa bata oyy kita ani nga pila na ka years naghulat tagaan ug anak wala pa gani jud kamo pa nga di na kylangan mg lisud2 grabe asang konsensya gibutang sa inahan ani,” kumento ni Nacario.
RadyoMaN Kirby Manzon
