Kini subay sa Memorandum Order gikan sa DCPO Director nga gipagawas niadtong Marso 1, 2019 kung asa pakusgan ang pagpatuman sa Oplan Katok ug Sacleo nga kampanya aron matuldokan ang mga panghitabong krimen sa siyudad.
Busa si Police Major Jake Goles, hepe sa Sasa PNP, nagmandar sa iyang mga ginsakpan sa pagpahigayon og regular nga Oplan Katok ug Sacleo sulod sa ilang area of responsibility.
Subay niini, usa ka Ramo Encabo, hamtong ang pangidaron, ug nagpuyo sa Barangay Pampanga ning siyudad ang nagtahan og 9mm pistol nga dunay upat ka magazine ngadto kang Police Corporal Daryl Alameda, Katok in-charge, bandang 10:00 sa buntag.
Ang nasampit nga pistola gitugyan ngadto kang Police Staff Sergeant Ismael Turonan alang sa luwas nga pagkustodiya samtang gihikay pa sa tag-iya ang mga papeles alang sa legalidad nga pagkupot sa pistola.
Panawagan sa mga otoridad ngadto sa mga nanag-iya og pusil de puego nga itahan ang ilang mga armas kon expired na ang ilang permit to carry aron dili makasohan kung madakpan pag-abot sa panahon.
RadyoMaN Joel Viray
