Davao City – Paimbestigahan sa Davao City Police Office ang Sasa Police Station lakip ang Station Commander nga si Police Chief Inspector Emerson Pugong kalabot sa pagsuicide sa amahan nga si Randy Cadiente kun ngano wala kini mabantayi sa kapolisan sulod sa prisohan.
Sumala ni DCPO Spokesperson Police Sr.Inspector Maria Teresita Plaza Gaspan nga duna nay kamanduan gikan kang City Director Police Sr.Supt Alexander Tagum nga paimbestigahan ang kamatayon sa naasoyng piniriso.
Gidugang ni Gaspan kun mapatud-an sa imbestigasyon nga dunay pagpabaya ang mga pulis posible nga mapasakahan kini og administrative case nga ‘Serious Neglect of Duty’.
Giawhag ni Gaspan ang kapolisan ilabina sa nagbantay sa mga piniriso nga kinahanglan bantayan og maayo aron walay mahitabo nga dautan sama sa gihimong pagpakamatay ni Cadiente.
RadyoMaN Don Pulayao
