Satellite registration gintalana sang Comelec sa kabarangayan kada Sabado

BACOLOD CITY – Natalana nga magapatigayon sang satellite registration ang Commission on Elections Bacolod sa nagkalain lain nga barangay diri sa ciudad.

Suno sa Comelec nga ini ang magasugod na sa maabot nga Sabado, July 21 sa Brgy. Estefania, sa July 28 sa Brgy. Granada, August 4 sa Brgy. Felisa, August 11 sa Brgy. Handumanan, August 18 sa Brgy. Bata, August 25 sa Brgy. Taculing kag September 1 sa Brgy. Vista Alegre.

Lakip man sa patigayunan sang satellite registration amo ang Brgy. Alangilan sa September 8 kag Brgy. Cabug sa September 15.


Angut sini ginahingyo ni Atty. Mavil Majarucon Sia ang publiko nga magpa-rehistro sang mas temprano agud nga indi na mag-ginutok pa sa bulan sang Oktubre.

Facebook Comments