Kini gibutyag ni COMELEC Asst. Regional Director Atty. Gay Enumerables sa interbyu sa RMN Davao.
Nakigkoordinar na usab ang ilahang mga election officers sa nasangpit nga mall alang sa mas dakong venue nga kayang makapasulod og mas daghang mga tawo.
Matud ni Enumerables, gilaraw nila nga sa mga ulahing semana na kini una matapos ang voter’s registration sa Enero 31, 2023.
Niarangkada ang voter’s registration niadting Disyembre 12, 2022 diin abli kini para sa mga buot magparehistro, magpa-transfer, reactivation ug magpa-correct sa ilahang mga pangalan.
Giawhag ni Enumerables ang publiko nga dili na magdasok pa sa katapusang adlaw tungod abli ang ilahang buhatan sa COMELEC gikan alas-8:00 hangtod alas-5:00 sa hapon lakip na holidays para sila i-cater.
RadyoMaN Aimee Guinita
