SULU – Patay ang isa sa mga kidnaper sa dalawang babaeng pulis sa lalawigan ng Sulu kanina.
Ito ay matapos na magkasagupa ang 5th Scout Ranger Battalion ng joint task force sulu at ang mga armadong grupo na pinaniniwalaang abu Sayyaf habang kasama ang mga dinukot na pulis na sina PO2 Benierose Alvarez at PO1 Dinah Gumahad.
Alas tres ng hapon kanina naganap ang enkwentro na tumagal ng 15 minuto sa Brgy Mauboh, Talipao, sa lalawigan ng Sulu.
Nagsitakas agad ang mga armdong grupo bitbit pa rin ang bihag na dalawang babaeng pulis.
Tatlong sundalo naman ang sugatan sa sagupaan.
Patuloy pa rin ang operasyon ng Joint Task Force Sulu para mailigtas ang mga bihag na pulis.
Kanina sinabi ni PNP Chief Dir. Gen. Oscar Albayalde na 5,000,000 ang hinihinging ransom para mapalaya ang dalawang babaeng pulis.
