Bulacan – Dead on the spot ang isang dating pulis matapos pagbabarilin ng riding in tandem sa Barangay Malipampang, San Ildefonso, Bulacan.
Nakilala ang biktima na si dating Special Officer 3 Restituto Mangalindan, 66, na isang intelligence officer.
Sa imbestigasyon, nakatayo sa gilid ng kalsada ang biktima saka nilapitan ng dalawang suspek kung saan nakausap pa niya ito.
Sa gitna ng pag-uusap, biglang bumunot ng baril ang isa sa mga suspek at agad na pinagbabaril ang biktima na may tatlong tama ng bala sa ulo at katawan.
Patuloy naman ang imbestigasyon sa nasabing insidente at inaalam na ang posibleng motibo sa krimen.
Facebook Comments
