Mandaue City – Patay ang isang pulis matapos na pagbabarilin sa Mandaue City sa Cebu.
Nakilala ang biktima na si Senior Inspector Reymond Hortuzuela na naka-assign sa Negros Oriental Police Office at miyembro ng Special Weapons and Tactics (SWAT) team.
Naganap ang insidente sa biktima sa P. Basubas Street sa Barangay Tipolo kung saan papunta na sa kaniyang sasakyan ang pulis nang pagbabarilin ito ng mga hindi nakilalang suspek.
Patuloy naman ang follow-up investigation para matukoy ang mga suspek at ang motibo nila sa krimen.
Facebook Comments
