Davao City – Gibaguran sa usa ka konsehal sa ikatulong distrito sa siyudad nga dili premature campaigning ang ginabuhat sa mga pulitiko kinsa nagduso sa kandidatura alang sa 2019 elections ang pag-adto nila sa kabarangayan.
Gitindogan ni Third District Councilor Joselle Villafuerte nga di porke nibisita sa barangay wala na’y delicadeza ang kandidato sa katarungan nga wala man sila mangampanya.
Giingon ni Villafuerte nga sa panahon makaduso og kandidatura ang pulitiko manggawas usab ang mga imbitasyon gikan sa mga barangay opisyales alang sa ilang aktibidad.
Gustohon man likayan sa mga kandidato ang imbitasyon apan wala silay mahimo gawas sa pagsanong sa aktibidad kay kung dili sila musipot basin mahiubos ang mga tawo ug dili hinoon sila botaran sa piniliay.
Kung masayran sa mga tawo nga usa ka sa mga kandidato daghan magpadala og solicitation letters aron mangayo og premyo sa aktibidad o dili ba ka mga gamit sa paugnat sa kusog.
Gipasabot pa ni Villafuerte nga bintaha man pod sa parte sa mga politiko nga imbitahon kay niana aduna sila’y kahigayonan nga mahibawo ang mga botante nga sila magpapili sa eleksyon.
Kung ingon ana ang himoon sa mga politiko atol sa ilang pagbisita sa mga barangay nan dili sila puwede pasaninglan og sayo nga pangampanya ug labaw nang lamaan nga walay mga delicadeza.
Gitino pa ni Villafuerte nga wala pay palisiya ug pahimangno sa COMELEC nga dili sila puwede mudawat og aktibidad sa kalihukan sa mga barangay.
RadyoMaN Joel Viray
