SAYRA: Presyo sa bulak ug kandila sa Undas 2018

14

Davao City- Pagpasaka og presyo sa mga suppliers sa kandila ug bulak ang hinungdan og nganong mimahal kini sa Todos Los Santos ug kalag-kalag.

Sumala sa pipila ka mga tindero ug tindera sa mga kandila ug bulak, lugi sila og di pud sila mupatong og presyo.

Sa mga gi-display sa gawas sa mga sementeryo, ang bulak nga anthurium, rose, baby’s breath ug uban pa nga gibutang sa gagmay nga pot o sa lata anaa sa 50-70 pesos ang presyo samtang anaa sa 100-120 pesos ang kada dagko nga pot o naa sa lata.

Samtang sa Agdao ug Bankerohan public market, mudagan ang mga presyo sa bulak sama sunflower nga 200 pesos kada usa, calla lily 100 pesos per bundle, carnation 150 per bundle, carnation (bukidnon) 150 pesos per bundle, malaysian mums 50 pesos bundle, baby’s breath 150 per bundle, roses 250 per dozen, anthurium 150 per dozen, ug orchids 500 pesos per dozen.

Samtang ang presyo sa kandila sama sa vigil candle nga gagmay ug dagko, kandila nga anaa sa gamayng garapon ug kandila nga anaa sa dagkong botilya mudagan sa 2 pesos ngadto sa 100 pesos depende sa kadak-on, style ug klase.

Posibleng musaka pa usab ang presyo niini ugmang adlawa, Nobyembre 1 ug 2 diin ang maong mga nasangpit nahisubay na sa tradisyon sa mga pinoy nga ihalad ngadto sa lubnganan sa ilang mga minahal sa kinabuhi nga mitaliwan na sa laing kalibutan.

RadyoMaN Renz Barbarona

Facebook Comments