Davao City – Dili angay pasagdan ang mga pagpang-harass sexually sa trabahuan, skwelahan ug mga training centers.
Sa pakighinabi ni RadyoMaN Misel Miral-Galve kang Atlanta Yap sa LUNA Legal Resource Center for Women and Children atol sa Serbisyong Straight to the Point, segun niini nga angay mahibalo ang katawhan niining Republic Act 7877 kun Anti-Sexual Harassment Act of 1995.
Gipasabot ni Atlanta nga matawag ang usa ka sitwasyon nga sexual harassment og ang usa ka head, employer, coach, teacher o adunay impluwensya sa mga institution nangayo og sexual nga pabor pinaagi sa physical touch ug verbal gikan sa mga empleyado o estudyante.
Dugang pagtino niining matang sa harassment og ginahimo nga kondisyon ang sexual nga pabor alang sa trabaho, promotion, sweldo, benefits o grado o aron makapasa, scholarship o allowance ug uban pa.
Matud pa nga adunay responsibilidad ang usa ka institusyon sama sa pagmugna og rules and regulation bahin sa sexual harassment ingon man makabuhat og ginatawag nga Committee on Decorum and Investigation kun CODI aron maoy mututok kun usa sa mga muhimo og imbestigasyon sa mga susamang kaso.
Subay sa maong balaod, posibleng mapriso gikan sa 1 month – 6 months ug makabayad og penalty nga 10,000 – 20,000 pesos ang offenders.
Alang sa mga nangita og asistinsya og unsay angay buhaton kalabotan sa maong gihisgutan, mamahimong muadto sa Luna Legal Resource Center for Women and Children, Inc. nga nahimutang sa Quirino ning syudad sa Davao.
RadyoMaN Renz Barbarona
