Davao City – Dili matud pa genetic kun makuha sa miyembro sa pamilya ang hemorrhoids o almoranas.
Kini ang gipasabot ni Davao Doctors Hospital Surgery Resident Doctor Mike Villanueva atol sa pakighinabi kaniya ni RadyoMaN Misel Miral-Galve sa programang ‘Serbisyong Straight to the Point’ diin sumala sa doctor nga ang almornas mao ang mga ugat sa anal nga naghubag.
Apan matud ni Dr. Villanueva nga ang tanang tao adunay hemorrhoids diin gamay lang kini nga ugat ug kini matud pa ang nagapugong nga dili dayon mugawas ang hugaw apan dunay uban nga ang hemorrhoids muhubag.
Rason matud pa sa almornas mao ang diet ug sa mga paggawas sa mga gahing hugaw diin maapektuhan niini ang hemorrhoids.
Gani usa ka nag contribute usab nganong muhubag kini mao ang posisyon sa paglingkod og magpagawas og hugaw diin sumala pa dili dapat magdugay og lingkod aron dili usab ma-stretch ang hemorrhoids.
Busa tambag niini nga mukaon og mga pagkaong high fiber sama sa ng potato, green and leafy vegetables aron muhumok ang mga mugawas nga hugaw ug kinahanglan usab dili magdugay og lingkod.
Dugang butyag sa doktor nga og muhubag na ang almoras, mamahimong ipa-check kini gilayon basin unya og kinahanglan na kini ipa opera.
Subay niini, nagtanyag og libreng check-up alang sa almoranas ang Davao Doctors hospital ilawom sa ilang Service Case Charity Program ug kinahanglan dal-un ang Philhealth.
RadyoMaN Renz Barbarona
