SB MEMBER GINBUNO | Pilason ang SB Member sang Leganes, Iloilo matapos ginbuno sang iya bayaw.

Pilason ang SB Member sang banwa sang Leganes matapos ginbuno sang iya bayaw sa isa ka birthday party sa Barangay Calaboa, Leganes, Iloilo.

Ginkilala ang biktima nga si SB Member Salvador Guillergan, hamtong ang pang-edaron samtang ang suspek nga bayaw sini ginkilala kay Romelo Lisera, lunsay pumuluyo sang nasambit nga lugar.

Ginpahayag ni PO2 Leo Barnuevo sang Leganes PNP nga pareho nagatambung sa birthday party ang biktima kag suspek sang ini sila ang magbaisay kon sa diin nagkuha sang kutsilyo si Lisera kag ginbuno ang SM member.


Nakaagum sang pilas sa nawala nga kilid si Guillergan kon sa diin ini pa mismo ang nagpadulong sa Leganes Police station kag nagpangayo sang bulig kag gilayon nga gindala sa ospital.

Padayon pa nga gina-imbestigahan sang Leganes PNP ang insidente kon ano ang gintunaan sang pagbuno ni lisera kay Guillergan.

Facebook Comments