SB Member Michelle John Patricio sang Pilar, liwat nga napilian bilang presidente sang PCL- Capiz Chapter!

38

Roxas City, Capiz – Liwat nga napilian bilang presidente sang Philippine Councilors League(PCL)-Capiz Chapter si SB Member Michelle Jhon Patrictio sang Pilar matapos ini ang nakakuha sang 104 ka mga boto kontra sa kasumpong nga si SB Member Angela Joy Tupas nga nakakuha lamang sang 62 ka mga boto.

Sa pagka-Vice President, si SB Member Ferdinand Baguio sang Sapian nga wala sang kasumpong ang nakakuha sang 122 ka mga boto.


Nagmadinalag-on naman si SB member Chriselle Joy Diaz sang Maayon nga nakakuha sang 82 ka mga boto sa pagka- Secretary General kontra sa kasumpong sini nga si SB Member Syvil Grace Dueñas nga nakakuha sang 81 ka mga boto.

Nagdaog naman sa pagka-Treasurer si SB Member Myrna Malecosio sang Cuartero nga may 92 ka mga boto batuk kay City Councilor Moreno Gonzaga sang Roxas City nga may 72 ka mga boto.

Si SB Member Neriza Joy San Felix sang Tapaz amo ang napilian bilang Auditor matapos nakakuha sang 80 ka mga boto kontra kay SB Member Maria Tinneth Moises sang Jamindan nga may 74 gid lamang ka mga boto.

Napilian man bilang Business Manager si SB Member Catherine San Antonio sang banwa sang Ivisan nga may 84 ka mga boto kontra sa kasumpong nga si SB Lalaine Young sang President Roxas nga nakakuha sang 46 ka mga boto.

Samtang si SB member Gilbert Derramas sang Dumalag nga may 75 ka mga boto amu ang napilian nga Press Relation Officer(P.R.O) matapos nangibabaw kontra kay SB Marben Cordero sang banwa sang Sapian nga may 65 ka mga boto.

Para naman sa Board of Directors, napilian bilang mga membro amo sanday SB member Nonato Daradar sang Panit-an nga may 103 ka mga boto; SB Leila Mae Leonor sang Jamindan nga may 103 ka mga boto; SB Member Steve Hijosa sang Cuartero nga may 102 ka mga boto; SB Member Braulio Godfrey Asis sang President Roxas nga may 91 ka mga boto; SB Member Regina Fancubila sang Tapaz nga may 90 ka mga boto; SB Member Dave Rainier Basiliano sang Dumarao nga may 85 ka mga boto; SB Member Nena Arches sang Panit-an nga may 79 ka mga boto kag SB member Maria Ivy Fundal sang Tapaz nga may 79 ka mga boto.

Ang eleksyon sang mga bag-o nga set sang opisyal sang PCL-Capiz ang ginpatigayon sa isa ka hotel sa Brgy Banica syudad sang Roxas.

Facebook Comments

From Advertisers