Dimataling, Zamboanga del Sur – Malampuson nga nadakpan sa tropa sa kapulisan sa Tabina ug Dimataling Municipal Police Station ang konsehal sa lungsod sa Dimataling atol sa gikasa nga manhunt operation didtong dapita sa Barangay Buburay, Dimataling, Zamboanga Del Sur alas 11:30 kagahapon sa buntag.
Nag-ipon og pwersa ang otoridad nga misangko sa pagkasikop sa target nga si Wilfredo Palmero De Ocampo Jr., 50-anyos, Sangguniang Bayan member ug residente sa Barangay Buburay, Dimataling, ning probinsya.
Ang pagdakop sa akusado gipasikad sa gahom sa Warrant of Arrest sa kasong Attempted Murder nga gipagawas Presiding Judge sa 7th Municipal Circuit Trial Court sa Dimataling, Tabina ug Pitogo, Zamboanga del Sur nga pinitsahan Pebrero 9, 2001.
Ang dinakpan gitugatan sa korte nga makapyansa sa kantidad nga 120,000 ka pesos.
