Yara sa regional drug watchlist sang Directorate of Intelligence sang Police Regional Office 6 ang SB Secretary sang banwa sang Sara, Iloilo nga si James Balsomo I (the first) alyas Jaguar nga nangin subject sang search warrant sa paglapas sa R.A. 10591 ukon Illegal possession of fire arms.
Ini ang ginkumpirmar ni Police Chief Inspector Charlie Sustento, hepe sang Ajuy PNP kag team, leader sang Provincial Drug Enforcement Unit team 3.
Suno kay Sustento nga base sa listahan, ginakabig si alyas Jaguar nga High Value Target ukon HVT level 2 kag ka-level sini ang isa pa ka Drug personality sa banwa sang Sara nga si Pedic Balume.
Magluwas sa illegal drug activity, yara man sa order of battle sang special operation group sa Quinto Distrito si Balsomo angut sa illegal possession of fire arms.
Nahibaluan nga narecover sa balay ni Balsomo ang mga high powered fire-arms kag assorted nga mga bala lakip na ang pila ka sachjet sang laya nga dahon sang marijuana sa search operation ala 1:45 sang hapon kaina (sspunay)
