Davao City – Naalarma ang mga residente sa Purok 1 Brgy. Angalan human dunay usa ka lalake nga nagbahis-bahis hinungdan miresponde ang opisyal sa barangay.
Sa blotter sa Tugbok PNP, gi-endursa ni Kapitan Rogelio Ico, barangay chairman sa Barangay Anggalan, Tugbok District, sa kwerpo sa kapulisan si Jhon Lapoc, myembro sa Special Civilian Active Auxiliary (SCAA) nga ubos sa 72nd Infantry Battalion.
Sa imbestigasyon nasayran nga patambalan unta si SCAA Lapoc sa Panacan Hospital apan misibat kini sa dihang naniudto sa Mintal Poblacion kauban si Sgt. Ruel Rivera nga maoy naghatud sa SCAA ngadto sa tambalanan.
Nasayran nga dunay sakit ang maong SCAA ilabina nga magsige kini og sulti nga kinahanglan niyang mutago kay dunay mga tawo nga buot mupatay kaniya.
Kapulisan sa Tugbok PNP daling midala kang SCAA Lapoc sa Panacan Hospital uban ang asawa niini ingun man mga representante sa 72nd IB.
RadyoMaN Erin Lumosbog
