Gidepensahan ni City Mayor Celso Regencia ang Special Cafgu Action Auxiliary o SCAA tungod dili matud pa sila lang ang nagmugna niini alang sa syudad apan aduna kini pagtugot gikan ni Presidente Rodrigo Duterte.
Kini sa tinguha nga adunay kaabag ang kasundalohan ug kapulisan sa pagbantay sa seguridad sa dakbayan sa iligan gumikan sa padayon nga hulga sa seguridad sa syudad bisan paman natapos na ang kagubot didto sa dakbayan sa Marawi.
Sa flag raising ceremony niadtung adlaw’ng lunes, gisaysay ni Mayor Regencia nga tubagon nila ang me petisyon batok sa SCAA kun asa nahimo pa nila kining private army.
Matud ni Regencia daku ug tabang aron pagbantay seguridad sa dakbayan sa iligan ang gimugnang SCAA nga gipaluyohan sa kasundalohan ug kapulisan.
