SCAM ALERT | 2-B PESOS, NATABAN GIKAN SA MGA INVESTORS SA BOHOL KAG DAVAO BANGUD SA PANIBAG-O NGA SCAM!

16

Tagbilaran City – Indi magnubo sa 300 ka mga indibidwal sa probinsya sang Bohol ang nagpangayo sang tabang sa CIDG para nga marekober ang ginabanta P2 billion nga nataban bangud sa panibag-o nga scam.
Sa subong ginmanduan na ni Bohol Governor Arthur Yap ang National Bureau of Investigation(NBI) kag CIDG nga imbestigahan ang amo nga bagay samtang nagpatunga naman ang provincial legal office agud nga buligan ang mga nabiktima sang ginatawag “repa” okun “paluwagan,”. Ini ang ginakabig nga ‘informal group money-lending system’.
Samtang nahibaluan nga ang kasubong nga financial scheme ang nakapangbiktima man sa kapin 50 ka mga persona sa Davao region.
Suno kay Simplicio Sagarino, hepe sang Anti-Scam Unit (ASU) sang syudad sang Davao, kapin sa 50 ka mga indibidwal ang nag-file na sang reklamo sa amo nga talatapan. Pila sa mga ini ang ginapahayag naka-invest sang tubtob sa P10 million.
Suno pa kay Sagarino naengganyo ang mga biktima nga mag-invest bangud sa promisa nga mataas nga balik ukon ginansya sang kwarta nga ila gin-invest.
Nahibaluan nga ginapaagi lamang sa online ang transaksyon.

Facebook Comments