Roxas City, Capiz – Nagpadulong sa mga kapulisan sa Roxas City PNP ang duha ka mga persona nga biktima sang Forex Investment Scheme.
Suno sa 40-anyos nga si Karen Apuang y Indico sang Brgy Bato, Panay, Capiz ginpangakuan ini sang suspek nga si Lourdes Baarde y Bulaquiña sang Brgy Baybay Roxas City nga balikan sang 25-porsyento nga interes ang gin-invest sini nga kwarta.
Gin- isyuhan siya ni Baarde sang tseke nga balor P436, 000 pesos napetsahan December 10, 2018 kag P250, 000 pesos nga tseke nga napetsahan January 25, 2019 apang ini tanan ang nagtalbog. Iya nahibaluan nga close na ang account.
Samtang kasubong man ang natabo sa 32-anyos nga si Rodalyn Villaceran y Barriatos sang Sitio Pamombongan, Brgy Milibili, Roxas City kun sa diin nagtalbog man ang tseke nga gin-isyu sa iya ni Baarde nga nagabalor sang P348, 000 pesos napetsahan December 25, 2018.
Tubtob sa subong indi na nila makontak si Baarde.
