Roxas City, Capiz – Panawagan subong sang mga persona nga nag-invest sa FOREX investment scheme sa probinsiya sang Capiz nga kuntani mabalik ang ila gin-invest nga kwarta.
Ini matapos nga kapin sa 18 ka mga indibidwal ang nagpadulong sa Roxas City PNP agud nga ireklamo ang recruiter nga si Lourdes Baarde, 41-anyos sang Brgy Baybay.
Reklamo sang amo nga mga persona nga sila ang ginganyat ni Baarde nga hatagan sang 20-percent nga interes sang ila kuwarta nga ginpahulam sa iya pinaagi sa amo nga investments cheme. Sang una, ginpahayag sang mga ini nga updated naman ang pagbalik sa ila sang kwarta apang sang ulihi, nadiskubrehan sang mga ini nga gin-isyuhan sila sang tseke nga wala sang pondo.
Nahibaloan dugang nga ang pila ka persona ang nag-invest na gali sang kapin P2.7 million pesos kag P100, 000 pesos naman ang pinakamanubo nga nag-invest.
Samtang sa pag-imbestiga sang news team, nahibaloan kay Kapitan Rey Magallanes sang Brgy Baybay nga wala pa sang may nakalab-ot sa iya nga pormal nga reklamo kontra kay Baarde.
