Davao City- Subling giawhag sa Davao City Police Office kun DCPO ang tanang nabiktima sa pagpangilad sa big time scammer nga si Maria Elma Grace Corona nga mo-file sila og kaso ngadto sa korte samtang detinado pa karon si Corona sa Investigation and Detective Management Branch human napasakahan og kaso alas 4:20 sa hapon niadtong Enero 18, 2018.
Sumala ni DCPO Spokesperson Police Sr. Inspector Maria Teresita Gaspan nga muabot sa 200 million pesos ang nadispalko sa suspect subay sa ilang nahipos nga impormasyon ngadto sa mga nabiktima nga nag invest sa Jessie Lending Corporation nga nahimutang sa Sasa ning dakbayan diin asa naga-opisina si Corona.
Dugang ni Gaspan kapin 50 na ka mga complainant ang gitagaan ug pagtagad sa IDMB nga mupasaka og kaso batok kang Corona.
RadyoMaN Don Pulayao
