Davao City – Ginagamit na karon ang gimongtar nga scanner sa checkpoint sa Sirawan, Toril ning syudad sa Davao sugod niadtong Huwebes Santo, Abril 18, 2019 alang sa dali nga inspeksyon.
Kini ang gibutyag ni Task Force Davao Commander Col. Consolito Yecla atol sa interview sa Davao media apan sumala ni Yecla nga nagkinahanglan og dako nga pasilidad alang sa scanner tungod sa kahuot.
“Ang scanner sa Siwaran, experimental pa ang design sa facility kay medjo masikip, kailangan ng mas malaking facility sa metal scanners ug detectors… i-request pa nato,” segun ni Yecla.
Dugang pa nga og dili peak season, ginapaagi ang mga pasahero sa bus ug van sa scanner apan og busy, bus passengers ang ginapaagi sa scanner.
Samtang segun ni Yecla nga ang mga pasahero sa pribadong sakyanan, ginainspeksyon gihapon pinaagi sa plain view doctrine.
Sa karon, ang checkpoint usa sa Sirawan Toril ang adunay scanner ug sunod nga pagabutngan ang uban pang checkpoint areas sa syudad sa Davao.
RadyoMaN Renz Barbarona
