Sa halip na laruan o gadget, exotic pets ang natanggap na Christmas gift ni Scarlet Snow Belo mula sa ninong niyang si kim Atienza.
Sa Instagram account, ibinahagi ni Dra. Vicky Belo ang larawan ni Scarlet Snow habang nakapulupot sa kanyang leeg ang isang python!
Una rito, sa Instagram account ni Scarlet Snow, sinabi nitong nais niyang mag-alaga ng ahas.
Kaya kahapon, mismong si Kuya Kim ang nagdala ng mga python sa bahay ng pamilya Belo para iparanas kay Scarlet Snow ang up-close encounter sa mga alaga nitong ahas.
Hindi rin nagpahuli sina Dra. Belo at Hayden Kho na ma-experience ang paghawak ng python kung saan makikita sa video na dumumi pa ang ahas habang nakapulupot kay Kho.
Pero sa halip na ahas, isang cute na turtle ang ibinigay sa kanya ni Kuya Kim.
