Plantsado na ang pagpapatuloy ng 1st dose at 2nd dose ng bakuna bukas sa Pasay City laban sa COVID-19 mula alas-8:00 ng umaga hanggang alas-4:00 ng hapon.
Ang pagbibigay ng 2nd dose ng Sinovac ay gagawin sa Cuneta Astrodome para sa mga unang naturukan noong June 10 sa SM – MOA Giga Vaccination Center at T. Paez Elementary School.
Ang mga nakakuha naman ng 1st dose ng Sinovac sa Cuneta Astrodome noong June 10, 2021 ay kailangang magpunta bukas sa Pasay City West High School para sa kanilang 2nd dose.
Ang 2nd dose naman ng Pfizer para sa nakakuha ng 1st dose nito noong June 17, 2021 ay gagawin sa Pasay SM – MOA Giga Vaccination Center at Resorts World Manila.
Sa pinakahuling tala ay umaabot na sa 187,904 ang nabakunahan sa lungsod ng Pasay laban sa COVID-19.
Mahigit 139,000 sa mga ito ang naka-unang dose pa lang habang mahigit mahigt 48,000 ang fully vaccinated o nakadalawang dose na ng COVID-19 vaccine.
