May-yara sang ipatuman nga adjustment sa schedule sang Socsargen Regional Athletic Association ukon SRAA meet ang Department of Education 12 kadungan sang ginpaggwa nga kamanduan sang Dep.Ed. nga pagresume na sang national, regional ukon off-campus activities matapos nga una na nga ginsuspindir tungod sa paandam sang Coronavirus disease ukon COVID -19.
Suno kay Magdaleno Dohilag, Sports Coordinator sang Dep. Ed. 12 magaumpisa ang hampang sa Marso 2, apang sa Marso 3 sang aga amo pa lang ipatigayon ang opening program tungod isa sa ila nga ginkonsiderar ang availability sang ila nga keynote speaker.
Samtang kadungan sang nasambit nga aktibidad ipatuman sa gihapon ang precautionary measures batok COVID 19 base naman sa guidelines sang Dep. Ed. kag DOH matapos nga ginaekspektar nga yara sa malapit anum ka libo ang partisipante sa ipatigayon nga regional meet tungod may gindugang nga mga events.
Ginkumpirmar man ni Dohilag nga lakip sa gihapon sa 2020 SRAA meet ang Cotabato City tungod yara pa man sa transition period nga malakip sila sa BARRM.
