Gin-extend pa sang city government ang deadline sang filing sa applications sang pag-ulikid scholarship program tubtob sa Hunyo 8.
Target sang syudad nga maka accommodate sang 200 ka scholars gani gin-extend pa ang application.
Sa karon may 147 pa lamang ka applicants para sa incoming nga freshmen college students.
Suno kay Local Youth and Development Office ukon LYDO head Rey Jason Gregorio, mahimo nga makuha ang application form sa ila opisina sa 6th floor sang Iloilo city hall.
Ang mga pre-qualified pagahatagan sang competitive exam kag i-asses sang scholarship commission ang resulta sang pasinawan.
Ang mga maqualify nga scholars magabaton sang bulanan nga allowance nga isa ka libo ka pesos ukon kabug-usan nga P10,000 sa bug-os nga school year kada tuig.
Kinahanglan lang nila nga mag-maintain ang grado kag maayo nga performance sa eskwelahan.
Photo from web
