Ang maong balita gikalipay sa usa ka Psychology student nga si Janelle Dacoseo atol sa interview sa DXDC RMN Davao kay matud pa niya, maayo kaayo ni nga programa ilabi na nga hangtod karon wala pa gihapon nawala ang stigma sa mental health issues ug kini dakong tabang sa mga batang aduna’y problema na mangayo og tabang ug suporta.
“Most of the time man gud pag ang tao makadungog nga nag seek ug help ang isa ka tao sa mga mental health professionals, automatic dayon i-label nga “baliw” and such, which is very wrong gyud. Maong I think it is important mainly for awareness, breaking the stigma, and to help students deal and cope with stress and any other mental issues kay after all, mental health is as important sa atong physiological health,” komento ni Dacoseo.
Ilawom sa maong programa, himuong institutionalized ang pagduso sa mental health ug well-being sa basic education, lakip na ang pagpatukod og mga care centers ug pagdugang og mga plantilla positions para sa mga mental health specialist ug associates sa Department of Education (DepEd).
Panghinaut ni Dacoseo nga maaprobahan na kini sa hingpit og masugdan na aron nga aduna’y maduolan ang kabatan-onan sa panahon nga sila mentally challenged, overwhelmed o stress.
RadyoMan Ivy Parido
