Zamboanga City – Ya abducta el cinco maga armao persona con un Head Teacher del Liang Elementary School na liang Patikul Provincia de sulu ayer alas 9:30 del aga .
Conel victima ya conoce como si Marjorie Abdul 53 anyos el edad un Head Teacher del mencionao escuela .
Na impormasyon desde na Weste Mindanao Command o WESMINCOM kay porsaomente el cinco armao persona ya hala conel maestro , donde este tiempo el militar baho na Task Force Sulu ta ase el todol espuerso para puede man track down conel maga cautor y man rescue conel victima .
Ya habla el wesmincom kay el military tiene el se llama lateral coordination conel policia y provincial Government del Sulu , para establise y intensifica el pursuit operation , y el identificacion de maga suspechao , lo mismo loca conel de estos hideout.
Mismo el commandante del Wesmincom Lt.Heneral Carlito Galvez Iho ta condena conel reciente incidente de abduccion na mencionao provincial , y ele ya asegura que ay continua el operasyon hunto con otro law enforcement agencies .
Presentamente tiene pa ta resta onse maga hostages na mano del terorista abu Sayyaf na provincial de s ulu que ta incluhi el cinco estranghero y seis Pilipino.
