TACLOBAN CITY – Nadakop han Philippine Drug Enforcement Agency (PDEA) ngan PNP an school principal nga nagbabaligya hin gin-aaligar illegal nga droga ha Brgy. Obrero Calbayog City, Samar kakulop, April 29.
Subay han report tikang ha PDEA, ginkilala an suspek nga hi Arnulfo Lauderes Abellar alyas “Arnold”, 47 anyos, may asawa, school principal ha Danao 1 Tinambacan District, Calbayog City, ngan residente ha Brgy. Obrero Calbayog City, Samar.
Napalit han poseur buyer han PDEA ngan PNP an tulo (3) kapakete han gin-aaligar shabu ha kantidad nga P68,000.00.,may kabug-at an shabu nga MOL 20 gramo.
Maatubang an principal hin mga kaso nga sale ngan possession of dangerous drugs ha ilarom han Dangerous Drugs Act.
Paslak na an suspek ha Calbayog City Police Station lock-up facility.
