Davao City – Nahilakip karon ang mga eskwelahan ug training centers sa lima ka mga lugar kung asa taas ang natalang takod sa Coronavirus Disease 2019 (COVID-19).
Sumala ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), nag-unang lugar nga adunay taas nga kaso sa COVID-19 transmission mao ang hospital. Ikaduha ang public markets, super markets, malls, business hubs, Ikatulo ang workplaces. Ikaupat ang barracks. Samtang, ikalima mao ang eskwelahan ug training centers.
Saysay ni Schlosser, kini usab ang hinungdan nga angay magpabakuna ang mga personahe sa eskwelahan, samtang pakusgan usab ang school-based vaccination.
“This is also a reminder na dapat tanan gyud natong mga teachers and non-teaching personnel na magpabakuna gyud and also have their booster doses,” sulti ni Schlosser.
RadyoMaN Kirby Manzon
Facebook Comments
