Davao City – Muagi sa makuti nga screening ang mga indibidwal nga subject sa vaccination program partikular na dinhi sa Davao Region.
Atol sa One Davao on COVID-19 Virtual Presser, gibutyag ni Dr. Raquel Montejo, Operations Chief, COVID-19 Vaccination Program, adunay usa ka proseso nga i-assess o i-screen ang usa ka tawo kung eligible ba kini nga makadawat og bakuna.
“One of the safety measures nga buhaton nato in the vaccination program is naay isa ka stage na screen sa ka or i-assess sa ka kung eligible ba ka makadawat sa vaccine,” segun ni Montejo.
Matud ni Montejo nga pipila sa mga pangutana mao ang pag-check kung ang bakunahan usa ka buntis, adunay sakit, adunay gina-inom nga tambal, naay kasinatian nga allergy sa bakuna, ug uban pa.
Samtang magbaton usab og referral protocol paunsa ug asa i-report kung adunay bation o kung magbaton og adverse effect ang usa ka indibidwal human kini bakunahan.
Dugang sa health official, sundon gihapon ang prayoridad nga sektor sa vaccination sama sa frontliners, indigent senior citizens, uniformed personnel ug uban pang anaa sa bulnerableng sektor sa komunidad.
Samtang target usab sa 2022 ang wala nalakip sa gihimong prayoridad nga grupo.
RadyoMaN Kirby Manzon
