SDN District Jail Warden Gidis-armahan an Ginsakopan na Hubog na Nagduty

Tagdis -armahan nan SDN District Jail Warden Chief Inspector Felix Resullar an ija ginsakopan na si Jail Officer 3 Arthur Guarde human ini nagduty sa milabay na adlaw ,na nakainom o ubos sa inpluwensya sa ilimnong makahubog .Gumikan nan ini, mipatala isab dajon sa kapolisan an amu na Jail Officer na sija tagtionan sa ija Warden sanan tagpagawas o gipapauli , rason sa pagpasabot nan Jail Warden na ija lamang taghimo an pagdis.arma sa kahadlok na tungod kay ini hubog og di angayan moduty og maghupot nan armas na nakainom. Tagbutyag pa sa SDN Dist Jail Warden Chief na dili tinuod na ini ija tagtionan kon dili ija lamang tag storya na mopauli og di angayan magduty lakip an pagkuha sa armas .Sumaya pa isab sa BJMP Dist Jail Warden na dili ini an primero na higayon na taghimo ni Jail Officer Guarde an pagduty na nakainom og ija na ini napahimangnoan sa una pa. Sa pagkakuman isa ka imbestigasyon an gikatakda na himuon sa rehiyonal na buhatan sa BJMP .

Facebook Comments