Nagpagawas karon ug memorandum ang opisina sa School Division Superintendent dinhi sa Zamboanga del norte ngadto sa tanang Public School District Supervisors, School Principal, Alternative Learning System (ALS), ug sa tanang hingtungdan.
May kalabot kini sa interbyu ug written examination sa tanang aplikante para sa Senior Education Program Specialist (SEPS), School Principal (SP) III, para sa elementary, School Principal (SP) III alang sa sekondarya, School Principal II, Head Teacher (HT) V alang sa sekondarya, Dentist II, ug Asst. Principal.
Ang maong memorandum gipagawas kini niadtong petsa 12 ning bulana adlawng byernes, pinaagi ni Career Service Executive Eligible (*CSEE*) OIC School Division Superintendent Pedro Melchor M. Natividad.
Usa sa tumong niini mao ang pagpili o pag hire tungod kay adunay bakante sa mga posisyon nga gihisgutan sa unahan. Parte usab kini sa screening process sa Personnel Section Board (PSB).
Ang maong kalihukan gina pahibalo ang mga nasangpit nga aplikante nga ilabi na niadtong nagpasa na sa ilang mga dokumento sa maong ahensya, adunay assessment nga ipahigayon ug ugmang adlawa petsa 16, adlawng martes ning kasamtangan nga tuig particular didto sa School Division Superintendent Conference Room alas 9:00 sa buntag.
