Davao City – Midangop sa Sta. Ana PNP ang usa ka retired seaman sa dihang matud pa gikuot ang iyang cellphone sa iyang tapad samtang nagdula og bingo sulod sa usa ka mall dinhi sa syudad sa Davao.
Complainant nagpaila nga si Vice Te Paran Bognot, hamtung ang pangidaron ug residente sa may Lanang ning dakbayan.
Subay sa saysay sa complainant, nalingaw siya sa dula nga bingo sa dihang dunay miduol kaniya nga babae ug gi-jamming sumala pa siya niini ug wala siya makabantay nga punterya diay sa maong babae ang iyang cellphone nga G7 prime Samsung nga mokantidad sa 13,000 ka pesos.
Ulahi ng nasayran sa seaman nga naatik diay siya sa babae diin sa pagsubay sa CCTV, nakumpirma nga ang maong babae ang nagkuha sa iyang cellphone.
Ang maong kaso gi-endorso na sa kapulisan sa Sta. Ana ubos sa theft and robbery section
RadyoMaN Paul Canono
