Ginkumpirmar ni Passi City Mayor Stephen Palmares nga isa ka seaman nga taga-Passi City ang nagpositibo sa COVID-19
Subong man gin-athag ni Palmares nga didto sa Manila ang seaman naka-quarantine kag didto man ini ginpaidalum sa RT-PCR TEST sang Hulyo 21.
Nagbiya sa Passi City sang Hulyo 20 ang seaman padulong sa Manila kag sang Hulyo 21, ginpaidalum ini sa RT-PCR test kag naguwa nga positibo ini sa resulta nga ginrelease sang Hulyo 25.
Dugang pa sang alkalde nga bana sang isa ka manunudlo sa Passi City ang nasambit nga seaman.
Bangud sini, ginpahayag ni Palmares nga ginpaidalum sa strict home quarantine kag ipaidalum man sa RT-PCR test ang asawa nga manunudlo kag mga kaupod nila sa balay buwas nga adlaw, Hulyo 27 agud masiguro nga hilway sila sa virus.
