Davao City – Sikop Sta Ana PNP ang duha ka tawo human nadakpan sa gikasang buy bust operation ug nagpositibong nagapamaligya ug shabu sa KM. 10 Sasa, Parola Wharf, syudad sa Davao.
Sa report gikan sa presinto uno ang duha ka dinakpan nailang Mark Anthony Micolob, 31 anyos seaman, residente sa Km. 10, Sasa, Parola Wharf, Davao ug Leo Gen Eleobido 28 anyos,Call Center Agent, residente sa Purok Sagrada Familia, Km. 12. Brgy. Sasa ning dakbayan.
Malampusong napalitan sa kapulisan ang duha ka suspek kambiyo ang P500 nga buy bust money.
Narekober sa awtoridad ang laing 7 ka paketeng shabu nga gibanabanaang mukantidad og P10 mil lakip nakumpiska ang usa ka kaha sigarilyo,usa ka cellphone ug buy bust money.
Subay sa monitoring sa kapulisan mga silingan sa nahishotang barangay ang sagad costumer sa duha ka mga suspek.
Ang mga dinakpan balhug na Sta Ana Police Station ug gihikay na sa kapulisan ang kasong kalapasan sa R.A 9165 kun Comprehensive Dangerous Drugs Act of 2002.
RadyoMaN Don Pulayao
