Ipinatigil na ng Office of Civil Defense (OCD) ang search-and-retrieval operations sa mga nawawala pang biktima ng pananalasa ng Bagyong Tino sa Negros Island Region.
Ayon kay OCD-NIR Director Donato Sermeno III, ito ay ayon sa abiso mismo ng National Disaster Risk Reduction and Management Council.
Pagklaro naman ni Sermeno, puwede pa rin umanong magsagawa ng search-and-retrieval operations sa kahilingan ng mga pamilya ng mga nawawala.
Maaaring makipag-ugnayan ang mga pamilya sa kani-kanilang mga local government unit (LGUs) kung nais nilang humiling ng patuloy na search-and-retrieval operations.
Batay sa talaan ng OCD, sumampa na sa 95 katao ang nasawi at mayroong 40 indibidwal ang nawawala sa naturang rehiyon.
Facebook Comments
